Scene einer Vor-Ort-Veranstaltung

Willkommen zum Bürgerdialog
– Ihre Meinung ist gefragt

Welcome to our citizens’ dialogue! We want your opinion!
Witamy Was do dialoga z wobydlerjemi – prajće nam swoje měnjenje
Witajśo na bergaŕski dialog – Wašo měnjenje jo pšašane
Chcemy poznać Państwa opinię! Zapraszamy do udziału w debacie obywatelskiej.
Zveme Vás upřímně k obyvatelské diskuzi – Potřebujeme znát Vás názor

Noch 25 Tage
34 Kommentare

Kapitelübersicht

Obersorbische Version

Witamy Was do dialoga z wobydlerjemi – prajće nam swoje měnjenje

Rěčće z nami! Wobdźělće so na tworjenju wobraza wo přichodźe Łužicy.

Z mnohimi wobydlerkami a wobydlerjemi Łužicy smy so w běhu lěća na wjace hač 50 info- stejnišćach po wšej Łužicy hižo rozmołwjeli. A z wěstosću sće tež Wy hižo často wo přichodźe našeho regiona rozmyslował/a a maće kopicu wšelakich temow a idejow. Nětko, mjez 7. septembrom 2019 a 18. oktobrom 2019, móžeće z nimi k wuwiwanju wobraza wo přichodźe Łužicy aktiwnje přinošować!

Zhromadnje z Wami chcemy wizije za Łužicu znosyć kaž tež zhonić, što su z Wašeho wida najwažniše temy přichoda. Dźe potajkim wo Waše ideje. Podajće so z druhimi do rozmołwy, zo byšće zwěsćili, što druzy Łužičenjo wo swojim regionje mysla. Snano so zhromadnosće jewja. Chiba maće cyle hinašu, nowu ideju abo je Wam druha tema wosebje wažna, kotraž so dotal hišće njejewi?

Samsne prašenja, kotrež deleka widźiće, budu w septembru w srjedźišću zarjadowanjow z wobydlerjemi stać. Po principje připada chcemy na nje někotre wobydlerki a wobydlerjow přeprosyć, kiž zhromadnje wěsty přerězk wobydlerstwa Łužicy předstajeja. Wšitke přinoški, kiž tule online kaž tež na zarjadowanjach zezběramy, tworja zhromadnje zakład za centralne temy přichoda. Su ramik za dalši dialog wo wobrazu přichoda, z kotrymž budźe so w zymje 2019/2020 pokročować. Ze swojimi přinoškami tule potajkim sobu postajiće, kotre tematiske ćežišća so do wobraza wo přichodźe Łužicy zapřijeja. Tuž: Diskutujće sobu!

Nam resp. za nastawacy wobraz wo přichodźe Łužicy je wažne, zo jemu po móžnosći wjele wobydlerjow Łužicy ze swojimi předstawami přinošuje. Tuž sposrědkujće tutu web-stronu tež swojim přećelam, kolegam a swójbnym!

Waše přinoški a komentary móže kóždy widźeć, kiž so na tutu web-stronu poda. Za wobdźělenje trjebaće so jenož registrować, štož njeje wobćežna wěc. W zajimje fairneje a konstruktiwneje diskusije Was prosymy, zo byšće so po našich pokiwach za zadźerženje (po net-etikeće) měli.

Njetrjebaće tež na kóžde jednotliwe prašenje wotmołwić. Dosaha, hdyž wotmołwiće na prašenja, ke kotrymž Wam spontanje něšto do mysli přińdźe. Móžeće so tež pozdźišo k wěcam hišće raz wuprajić. Prašenja budu hač do 18. oktobra 2019 za Was online w syći stać.

MOJA ŁUŽICA (1 Kommentar)

Łužica je Waša domizna, tule sće doma. Ale kóždy/a z Was ma swój wosobinski wobraz wo “swojej” Łužicy. My chcemy zhromadnje z Wami Waše předstawy wo Łužicy znosyć. Smy přeswědčeni: Łužica je mnohostronska! My so prašamy: Je zhromadnosćow? A kotrych rozdźělow a wosebitosćow je? A Was so prašamy:

1. Što je Łužica za Was?

2. Što je Wam za žiwjenje we Łužicy wosebje wažne?

JUTŘIŠA ŁUŽICA (1 Kommentar)

Łužica so zasadnje přeměnja – nic hakle wot wčerawšeho. Tójšto je so hižo změniło, wjele wěcow so dale hiba. Z wobrazom wo přichodźe Łužicy chcemy wiziju stworić, kak móhła a měła so Łužica – tež Waša Łužica – w přichodźe dale wuwiwać. Wobraz budźe z tym orientaciju skićeć, dokal měła so strukturna politika w přichodźe wusměrić, a wón budźe mjez druhim ramik za wobłuki tworić, za kotrež měli so spěchowanske srědki w přichodnych 20...

Pohladajće prošu hišće raz na Wašu wotmołwu na předchadźace prašenje 5. K tomu chcemy rady wědźeć:

6. Z kotrych přičin je Wam tuta tema hladajo na přichod Łužicy wosebje wažna?

7. Čehodla je Wam tuta tema wosobinsce wosebje wažna?  

8. Čehodla je tuta tema za přichod Łužicy cyłkownje wosebje wažna?